|
Vedtekter
for Vestnes sogelag |
|
Oppdatert 15-02-2014 |
|
§ 1 FORMÅL Vestnes Sogelag har til formål å vekkje interesse for, og ta vare på kunnskap om fortida i kommunen. Laget skal arbeide for at folk flest skal få del i denne kunnskapen. § 2 MEDLEMSKAP Vestnes Sogelag er ope for alle. Ein kan bli medlem i laget og ha personleg stemmerett ved å betale den fastsette kontigenten. § 3 ÅRSMØTET Årsmøtet, som er laget sitt øvste organ, skal haldast kvart år, innan utgangen av mars månad. Innkalling skal kunngjerast i lokale media og/eller i brev til medlemmene seinast 14 dagar før møtet. Innkomne forslag som skal leggast fram for årsmøtet, må vere styret i hende seinast 2 veker før årsmøtedato. Endring av vedtekter krev 2/3 fleirtal i årsmøtet. I andre saker er det framlegg vedteke som får flest stemmer. Ekstraordinært årsmøte kan kallast inn av styret eller når minst 1/3 av medlemmene krev det. § 4 SAKER TIL ÅRSMØTET Årsmøtet skal behandle: - årsmelding og revidert rekneskap - val av styreleiar for komande år - val av styremedlemmer - val av leiar og medlemmer til: - redaksjonskomite for årsskrivet - arkivnemnd - valnemnd - val av revisorar - fastsetting av kontingent - godkjenne budsjett/plan for komande år - andre saker som forpliktar laget for meir enn eitt år, som medlemskap i nasjonale eller landsdekkande organisasjonar. - Årsmøtet skal også velge leiar og medlemmer til fotonemnd dersom dei finn dette tenleg. § 5 STYRET Vestnes Sogelag skal ha eit styre på 5 personar som har ansvar for drifta og økonomien i laget. Styreleiar vert valt for eitt år. 4 styremedlemmer vert valt for ein periode på 2 år, likevel slik at 2 styremedlemmer er på val kvart år. Første året går 2 medlemmer ut etter loddtrekning. Årsmøtet vel 2 varamedlemmer til styret i rekkefølgje for eitt år. Styret vel sjølv nestleiar og sekretær. Styret vel kasserar/forretningsførar, denne kan veljast utanom styret. |
Styret er vedtaksført når
minst 3 medlemmer/varamedlemmer er tilstades. Det skal førast møtebok for
årsmøte og styremøte. Leiar i kulturavdelinga i kommunen har møterett i styret. § 6 REDAKSJONSKOMITE FOR ÅRSSKRIFT Vestnes Sogelag skal gi ut eit årsskrift kvart år. Dette arbeidet vert styrt av eit eige skriftstyre med leiar og minst 2 medlemmer, alle valt av årsmøtet for eitt år. Skriftstyret har det redaksjonelle ansvar for årsskriftet. Leiar i skriftstyret har møte- og talerett i styret. § 7 ANDRE NEMNDER Vestnes Sogelag skal ha følgjande arbeidsnemnder: a) Arkivnemnd. Nemnda skal arbeide for at innsamla materiale vert arkivert på ein trygg og hensiktsmessig måte og legge til rette for at medlemmene skal få tilgang til stoffet. b) Valnemnd. Nemnda skal førebu vala som årsmøtet skal gjennomføre. Årsmøtet og styret kan velje andre nemnder etter behov. Årsmøtet kan opprette fotonemnd som skal samle inn/avfotografere og ta vare på gamle foto, og saman med arkivnemnda syte for høveleg oppbevaring og tilgang til samlinga. Dersom årsmøtet ikkje bestemmer noko anna, skal nemnder ha leiar og 2 medlemmer, valt av årsmøtet for 2 år, og eitt varamedlem valt for eitt år. Etter første året går eitt medlem ut etter loddtrekning. § 8 ANDRE OPPGÅVER Vestnes Sogelag skal arbeide aktivt for å samle inn lokalhistorisk stoff, også stoff som ikkje skal nyttast i årsskrift. Stoffet må arkiverast på hensiktsmessig og trygg måte. § 9 OPPLØYSING Vedtak om oppløysing av laget kan berre fattast dersom 2/3 av medlemmene røystar for dette ved første gangs årsmøtebehendling. Dersom meir enn 2/3 av årsmøtedeltakarane stemmer for, men dette er mindre enn 2/3 av medlemmene, må saka takast opp til ny handsaming på nytt årsmøte. Ved 2. gangs handsaming er det nok at 2/3 av årsmøtedeltakarane stemmer for oppløysing. Ved oppløysing skal midlar og aktiva som laget rår over, takast vare på av ei eiga nemnd etter retningslinjer gitt av årsmøtet som vedtek oppløysing av laget. |